之前有參與朋友嘅一個研究，日前進行了第二部份嘅訪談。 今次係去到寶馬山樹仁個圖書館度做。 話說，其實我一直將嶺大同樹仁撈亂，而我又以為嶺大係係粉嶺😅 (所以其實我以為樹仁係粉嶺) 但其實嶺大係屯門，樹仁係北角😆
今次去寶馬山，我先記得返原來我係曾經來過呢度，就係去聖貞德考會考化學科嘅實驗部份，當年去到嗰度附近，未識能量嘅嘢，但都完全感覺到成個地方嘅級數唔同。

講返個研究，係關於一啲靈性概念與愛情。 今次好多問題都好深入，如果畀你定義愛情，你會點定義？ 各種形式的關係的分界線在哪裡？ 靈魂對於愛情又有冇計劃嘅呢？  … 回答問題嘅時候，就好似一個自我探索嘅過程，亦係抽離咁睇返自己嘅關係嘅機會，好有趣。
而最近有兩套劇，〔比天堂還美麗〕和〔未知的首爾〕都好深入地講關係，感情，愛情，亦有加入一啲靈性，心理學嘅概念，很值得開另一個post再說說。
之前幫手邀請了一些朋友參與呢次研究，各位有參加的請留意自己有冇收到 email 邀請，進行第二部份的訪談啊 🙏🏻

做完訪談，之後傾咗一下其他話題，現今社會同個世界嘅狀況，亦有講下對某啲預言/預測嘅睇法。

順便亦向佢請教咗一啲關於意識障礙嘅嘢，因為我其中一個要創作嘅故事就係關於呢樣嘢，正做緊資料搜集💪🏻

之後去咗北角一間台灣菜食lunch，還可以，午肉算好食🙂 但雞扒，湯和麵就只係正常水準。

之後如常去了 ++度睇劇傾計。 今年，我哋都開始咗自己嘅計劃，我將會以呢個 blog 為 base，而究竟有詳想搞呢？ 就另post再講了💪🏻🙂